Sverrir Guðmundsson/07. mars 2010

Krakkanámskeið heppnuðust vel!

Stjörnuskoðunarfélagið og Stjörnufræðivefurinn stóðu fyrir námskeiðum fyrir krakka í lok febrúar. Hópnum var skipt í tvennt eftir aldri og fengu krakkar og foreldrar að fræðast um himingeiminn og prófa alls konar tilraunir s.s. að snúast eins og nifteindastjarna og að búa til loftsteinagíga með stálkúlu.

» Nánar

Sævar Helgi Bragason/01. mars 2010

Græjukvöld á félagsfundi sunnudaginn 7. mars kl. 20

Á næsta félagsfundi verður sérstakt græjukvöld þar sem nokkrir félagsmenn koma og sýna sjónauka og fleira skemmtilegt! Það eru allir velkomnir á fundinn sem hefst kl. 20:00 í Valhúsaskóla. Húsið opnar 19:45 og er gengið inn í skólann að sunnanverðu (næst íþróttavellinum). Allir velkomnir!

Sævar Helgi Bragason/25. febrúar 2010

Aðalfundur Stjörnuskoðunarfélagsins var haldinn 11. febrúar 2010

Aðalfundur Stjörnuskoðunarfélagsins var haldinn 11. febrúar síðastliðinn. Um 35 manns sóttu fundinn. Breytingar urðu á stjórn félagsins að því leyti að Kristján Þorvaldsson gekk úr stjórn. Fær hann bestu þakkir fyrir mikið og vel unnið starf í þágu félagsins á undanförnum árum. Nýja stjórn skipa: Sævar Helgi Bragason, formaður, Óskar Torfi Viggósson, gjaldkeri, og Sverrir Guðmundsson, ritari.

» Nánar