23. mars 2010

Nýr sjónauki MA heitir Stjörnu-Oddi

Um helgina fór fram málþing um stjörnufræði í tilefni af alþjóðlegu ári stjörnufræðinnar og vígslu nýs stjörnusjónauka Menntaskólans á Akureyri. Hann hlaut nafnið Stjörnu-Oddi og í kjölfar vígslunnar var stofnað nýtt stjörnuskoðunarfélag á Akureyri sem nefnist Stjörnu-Odda félagið. Við óskum þeim Akureyringum til hamingju með nýja sjónaukann og vonum að hann nýtist bæði til fræðslu og skemmtunar fyrir norðan. Stjörnuskoðunarfélag Seltjarnarness hyggst halda félagsfund og stjörnuteiti í samfloti með nýja félaginu í haust og verður nánar sagt frá því þegar nær dregur.

Búið er að setja inn myndir frá málþinginu á Stjörnufræðivefinn.